至於成為亞太影后,毛姐說呂哥(呂良偉)是關鍵人物,「今次攞亞太影后係整定,亞太邀請呂哥做頒獎嘉賓,呂哥就問我們部《黃金花》有冇入圍,查問後先知原來我們連報名都未報,呂哥話千祈要等埋我們部戲,因為部戲好好,佢個妹(呂哥與毛毛兄妹相稱)做得好好,於是大會就叫我們立即俾片佢哋,電影公司即刻搞,當時只差兩日就截止報名,然後成件事到今日我做了影后,我覺得真的要多謝阿哥,就係他一句說話,如果唔係就冇了。」
與太太楊小娟一同出席慶功宴的呂哥即場將獎座送上,毛姐說:「我攞金像獎時,阿哥請我食飯,佢就話如果我亞太得獎,他就上台幫我領獎。因為我女兒要入大學,我要陪她,一早知去不到頒獎禮,諗住冇咁橋啩,點知真係。」
目前,毛姐正忙於王祖藍執導的電影《你咪理,我愛你》,「從來未演過賀歲片又要跳舞又要唱歌,這是祖藍第一部執導的電影,好希望他成功,因為我見到這個導演好有heart,很知道自己要什麼,我很戥他高興。」