袁詠儀（靚靚）與張智霖（Chilam）結婚18年，二人愛得甜蜜，係圈中出名嘅模範夫妻。
靚靚、Chilam噚晚就約咗另外兩對「模範夫妻」聚會，原來就係影帝周潤發同發嫂陳薈蓮，以及蔡一智同太太周雪芳，一行人齊齊去品嘗日本料理。
靚靚於社交網分享飯聚照片，開心寫道：「讓我非常羨慕的模範夫妻，我的超級偶像發哥、發嫂。還有蔡氏夫婦、黃先生、文先生一起共度愉快的晚上。我是最超開心。」
靚靚見到發哥兩公婆表現得非常興奮，更化身小粉絲同偶像影相。而Selfie高手發哥更負責掌鏡，為大家合照留念。
網民都紛紛留言話，靚靚兩夫妻嘅感情都好令人羨慕，「靚靚同Chilam都係模範夫妻」、「張先生永遠在妳身旁」、「還說羨慕別人呢，你看你先生隨時都像你的行星一樣圍繞在你身邊」大家都睇得出二人有幾咁Sweet。
圖片來源：袁詠儀@Instagram