苑瓊丹日前接受《開工大吉77》訪問，趁母親節大談與媽咪生活點滴，期間回憶與亡母相處，眼濕濕流淚：「我記得阿媽好慳，坐幾毫子巴士買平餸，過年過節買幾隻雞、十斤豬肉，所以細細個開始，都已經訓練幫手拎重嘢。亞媽係福建人，但同鄰居關係好好，所以街坊會教佢煲廣東湯水、整叉燒包，所以我好好食神！」
苑仔就話媽咪不時帶佢周圍見識，逢周六都有活動，最終被班主任投訴：「因為我地星期六都好多街去，好似去遊船河、食素之類，後來班主任乍型，問我做咩逢星期六都病！」。苑媽媽鼓勵子女自由發展，即使入娛樂圈都沒反對：「其實只要我唔犯法，佢都會由得我！嗰時我都覺得自己幾靚女嘛，問亞媽不如去選美好唔好，佢話你咪去囉！」。
苑仔講起媽媽眼濕濕，慶幸與媽咪常旅行留下回憶：「因為我就好怕去旅行，拍戲都周圍去啦，但媽咪就想去外地玩，所以只要能力所及，都會滿足佢！」
