入春後氣溫冷暖無常，呢種天氣好容易令人感冒。而王祖藍呢幾日就不幸患病，最慘嘅係唔能夠接近囡囡Gabrielle 。 祖藍於社交網貼出一張口罩相，大呻：「難得完成工作，回家就病。唔可以抱女、唔可以𡃶女，比病更痛苦！做個負責任爸爸，在家亦要戴口罩。」 噚日（22日）佢又分享囡囡坐搖椅嘅片段，並留言：「有冇人識翻譯？」見李亞男拎住圖書本扮動物叫聲，Gabrielle亦開心得不停講BB話。未病癒嘅祖藍，只可以遠遠望住囡囡，佢留言：「可遠觀而不可褻玩焉 。」 圖片來源：王祖藍@Instagram