父親節娛圈又有喜訊！就係李亞男又大肚喇，王祖藍即將變一家四口。
現在40歲的王祖藍今早在IG上傳與太太和女兒的自拍片段，片段下只寫上簡單的5個字「父親節快樂」，但一睇片原來另有乾坤！從片段中可見，王祖藍囡囡Gabrielle除了甜笑講爸爸外，李亞男摸自己的肚時問女兒這是什麼，Gabrielle立即回答：「BB」，片段最後更附上一張寫上「又有喜喇」的一家四口卡通照，唔知今次係生仔定女呢？
王祖藍：「多謝大家祝福。其實今次都係計劃之中，因為之前同Leanne 嘅共識，都係等Gabby 滿咗一歲先再追多個，依家個timing 都真係好感恩。我哋生埋呢個都收工的了，因為兩個夠晒數，亦唔想老婆太辛苦。我知今日都好多人報喜，祝大家都父親節快樂啦！😆（仔定女？）我俾咗tips 架喇，大家估吓啦😆」
圖片來源：王祖藍＠instagram