女歌手AGA（江海迦）趁父親節來臨，最近專誠向黃祥興「拜師」學煮地道西班牙海鮮炒飯，等佢可以隔空獻給現身在澳洲的爸爸，她亦祝願天下爸爸「父親節快樂」！
一入廚房，AGA即向祥興「備案」自己甚少入廚，但因為疫情，她最近多了時間嘗試入廚，而她最愛就是焗製甜品。說到為爸爸做菜，AGA回想起來原來只有一次，她說：「爸爸同我都好鍾意食咕嚕肉，因為媽媽經常喺澳洲，有時香港得我同爸爸，所以我試過一次學煮咕嚕肉畀佢食。不過爸爸嘅評價係叫我以後唔好再煮⋯⋯哈哈講笑咋，佢冇出聲，而且默默咁食晒！」AGA坦言除了Daddy之外，從未有人「有幸」試過她的廚藝：「冇信心煮畀其他人食，唔想危害別人健康，我覺得烹飪係要練習，煮完又要逼人食，對方又唔好意思同你講唔好食。」身旁的祥興聞言即說：「可能下一個有份食你煮嘅嘢，就成為你嘅真命天子！」AGA即耍手擰頭指不想毒害他人。
AGA在祥興帶領下，最後順利煮出色香味俱全的西班牙海鮮炒飯，她試食後也不禁大讚自己：「跟祥興學做呢道菜，令我對入廚有番信心！第一次為爸爸學西班牙菜，好期待有日可以親自下廚煮畀爸爸食！」
