小鳳姐來了！今日小鳳姐為了《金光燦爛徐小鳳演唱會2018》綵排，還在傳媒面前獻上一曲，特別多謝大家來採訪喎！小鳳姐在樂隊伴奏下，唱了一支《今宵多珍重》。
九月演唱會就會開鑼，小鳳姐最近都要密鑼緊鼓排練，她說：「綵排密咗好多，不過密啲，咪當減肥囉！」佢仲話開演唱會時，個個歌手都會好自然咁瘦，「第一場，件衫會剛剛好，愈唱愈鬆，鬆到可以轉吓圈。」雖然小鳳姐在樂壇屹立多年，但她說每次開騷，都從來未試過唔緊張，因為她好在意歌迷嘅感覺；問到她這個演唱會會否做巡迴騷？她說：「做巡迴，都想，除了想去以前做過巡迴嘅地方，還想去一些未去過嘅，好似英國、歐洲咁，因為那裏都有好多歌迷。」