男人的浪漫，除了豆腐火腩飯，還有對車的癡迷，張振朗考獲電單車駕照不久，便加入張繼聰與森美的鐵騎大隊，齊齊享受風馳電掣的感覺，不時在社交平台分享駕車樂。最近他買了電單車，為愛車洗白白時，眼神流露無限愛意，更將照片上載IG，寫道：「洗車也是一種樂趣。佢乾淨晒我濕晒！」其中一張照片，是Owen幫愛車洗完白白後，撫摸着它，蕭正楠留言：「呢啲咁成人指引嘅照片，真係出得街？」Owen沒好氣：「做咩呀？係咪fish呢期好忙？多咗咁多幻想嘅？」陳山聰大讚：「架車巧正呀！」粉絲都覺得人車一樣型，有人亦好明白他對電單車的鍾愛，「見到自己中意嘅嘢，出晒汗都抵！」Owen現時寵幸小三，未知可會冷落了女友楊偲泳？
圖片來源：張振朗、楊偲泳@Instagram