近嚟好多女明星都向粉絲大派福利，分享性感泳衣照，令一班網民睇到血脈沸騰。而上個月宣布與圈外男友Calvin結婚嘅沈卓盈（Jess），亦趁今日（5日）牛一為大家送上泳裝相。
Jess婚後首個生日當然要同老公過，日前Calvin與愛妻外遊慶生，更化身老婆嘅攝影師，為其拍下唔少靚相。
Jess於Instagram分享相片，留言：「生日啦，今年生日畀自已嘅獎勵就係盡情咁食多啲，之前為咗婚禮要保持最佳狀態，食多啖飯都唔敢，生日一於補番數，就放肆一日咁多啦。」
見沈大師穿上白色一件頭泳衣，大方曬出養眼美腿同事業線，佢仲特別鳴謝佢嘅專屬攝影師，睇嚟Jess都好滿意老公嘅作品。
圖片來源：沈卓盈@Instagram