原來《愛．回家之開心速遞》中的「金城安」隨時都會出現在你和我的身邊！在昨日播出的一集中，他在劇中完美展示人類腦袋的複雜性、情感的多樣表達方式和獨特的個性！
陪媽咪食飯的金城安一見到女友Bonnie，害羞甜笑之餘，更即扮大隻仔除衫搏表現，讓媽咪披住，表示擔心媽咪冷病，媽咪懷疑指不會因他這樣做而加零用錢，但一心想在女友面前搏表現的金城安，就反而「九唔搭八」地大大聲自讚有風度：「你話我有風度？不嬲㗎啦！男人嚟㗎嘛！」在場的媽咪聽到一頭冒水！
金城安因女友制止他買心儀的貴價波鞋「回到現代」而自作多情，以為女友制止他買的原因是為送驚喜給他，深信女友會在相識紀念日送他「回到現代」，最後希望落空。
曾與Bonnie拍拖的朱凌凌是金城安的好兄弟，金城安無意中發現Bonnie與朱凌凌的拍拖舊照，繼而偷看，舊照中看見Bonnie送貴價禮物給好兄弟，自己就收特價貨，因而心生誤會。
因誤會而遷怒朱凌凌的金城安一見到對方就嬲爆爆，說話帶骨兼語帶悔氣，一時說：「你咁靚仔又有女人緣，有咩女你搞唔掂呀？」，一時又話：「靚波鞋永遠冇我份㗎！」、「我淨係可以着特價鞋㗎咋！」朱凌凌躺着也中槍。
雖然金城安自作多情後又心生誤會，繼而遷怒好兄弟，但本性單純的他非常易滿足，最後明白Bonnie不能買貴價波鞋的苦衷後，馬上開心接受Bonnie送的另一對波鞋，即使波鞋不合穿，他仍強說是因為襪子太厚。穿上波鞋的他笑問：「係咪好襯我啊？我即刻覺得自己型咗啊！」
影片、圖片來源：myTV SUPER(www.mytvsuper.com)