「Ball后」薛芷倫今日下午喺Facebook share咗幾張同圈中好友聚餐嘅靚相，除咗見到佢哋食超豪嘅Omakase，仲將薛芷倫喺赤柱嘅豪宅曝光！
由曝光嘅相可以睇到，薛芷倫同一眾好友食飯嘅客廳裝修到超豪華，好似去咗外國嘅宮殿一樣，而除咗豪華客廳，仲有一間卡拉OK房，地方大到馬浚偉可以同佢一邊唱住《無言的結局》一邊跳舞。而卡啦OK房入面嘅紅色梳化更大到坐得落用咁多位朋友，單計實用面積，應該同市面上嘅卡啦OK房相差無幾。
受疫情影響，就算想約埋幾個朋友一齊去食好西都未必得，不過喺私人地方食就冇問題喇，坐得落幾多個人，就可以叫幾多人。薛芷倫仲索性請埋日本壽司師父去佢呢間豪宅，即席炮製多道侈華菜式，當中包括有99.9k金嘅手卷同埋各款金箔壽司，唔知埋單使唔使6位數字呢？
圖片來源：薛芷倫＠Facebook