張繼聰（阿聰）近半年愛上駕復古電單車，即使在酷暑下仍頻頻與森美、張振朗等人出動，遊走香港各地。
受到阿聰影響，一對仔女張瞻（James）和張靖（Karina）亦開始對電單車有興趣，阿聰專程為兩個寶貝準備兒童電動車，讓他們享受風馳電掣的感覺。阿聰在IG分享小朋友遊車河的影片和相片，並留言：「Little bikers. 慢得嚟有速度感，安全得嚟車手表示有感覺。爸爸表示好開心，同埋行到成身汗。」片中見Karina戴上頭盔，做足安全措施，而阿聰亦全程跟到實，還化身「龍友」為仔女影靚相。
圖片來源：張繼聰@Instagram