好消息!去年由劉德華主演的《拆彈專家》宣布開拍續集《拆彈專家2》,而華仔嚟緊仲會同古天樂參演電影《掃毒》續集《掃毒2》。
延伸閱讀:【劉德華監製《拆彈專家》】神還原!「紅隧」花足兩個月建成
華仔有份主演嘅《拆彈專家》,去年票房大賣2000萬,而華仔亦憑呢套電影獲提名香港電影金像獎最佳男主角。寰宇娛樂今日就喺影視博覽前夕公布來年大計,當中包括成功邀請華仔開拍兩套大製作《拆彈專家2》和《掃毒2》,而《掃毒2》還有古天樂加盟合作演出。
華仔喺《拆彈專家》結局已英勇殉職,所以續集與上一集不會有連貫性,主角華仔將會安排在全新故事出場。另外,續集仍然會由影壇快槍手邱禮濤執導,預計於2019年正式開拍。至於電影的詳細內容和影員卡士則暫未有公布,但上集已經有一比一製作的紅磡海底隧道實景,相信今集亦絕對不會令觀眾失望。
延伸閱讀:【劉德華親手「綁起」宋佳】《拆彈專家》幕後花絮有得睇
圖片來源:互聯網