陳榮峻、吳香倫下午在教堂行完婚禮，晚上在九龍灣百樂門酒樓宴客，筵開六十圍與男女家親友同歡；有別於平時的喜宴，兩圍主家席設於大堂正中，與來賓的距離拉到最近，不少圈中好友如徐小鳳、黃日華、 胡定欣、陳展鵬、陳山聰、袁偉豪、張寶兒、陳煒、陳錦鴻、麥長青、樂易玲、譚俊彥、陶大宇、林淑敏、朱晨麗、劉丹、劉江、唐佳和雪妮夫婦等，來賓眾多場面非常熱鬧。
相關文章：陳榮峻衣架滿屋掛住「她」 | 吳香倫上婚前輔導班被考起
峻哥當初追求香倫，借意話要跟她學唱歌，香倫是唱家班授徒無數，今晚婚宴大家都期待一對新人合唱，但峻哥卻錫住老婆叫香倫唔好唱，點解？「你睇下佢把聲，由朝忙到晚聲都沙了，頭先在教堂又喊咗幾輪，今晚唔好唱啦！留番度蜜月在郵輪上慢慢唱俾我聽好過！」香倫有老公錫住笑得好甜，今晚婚宴就由妹妹吳江倫上台，以一曲《花好月圓》送給新人。
由於賓客眾多，峻哥計過單是敬酒，走匀全場都要一個鐘；據知香倫爺爺有十個太太，十個嫲嫲開枝散葉親友眾多，酒樓之前講最多五十五圍，結果一加再加都要六十圍，六六無窮好意頭。
峻哥以自然白髮做新郎哥，沒有刻意染黑，個個朋友來到都祝他和太太白頭到老，黃日華仲搞笑地話：「六十幾歳仲有新郎哥做，證明你有心有力，快哋生多個做埋老竇仲好！」
黃日華同陳榮峻是四十年的好兄弟，初入行已經相識相交，「他曾經因為太太去世好消沉，睇到佢重拾生趣真係好開心，緣份由天定，佢可以搵到個伴， 陪佢周圍去旅行，做兄弟都安慰。」
