蘇永康（阿公）新歌《ALL THAT JAZZ》將於下星期面世，其MV邀得張繼聰（阿聰）以及胡琳擔當男女主角，二人與一個小演員飾演幸褔家庭。阿聰在MV中大展父愛，對於已為人父的他毫無難度，輕鬆與小演員做對手戲，更不時流露出一副慈父相教小演員演出，令MV拍攝順利。
阿公表示：「今次邀請阿聰幫手係因為我哋兩家人都好熟，我見過你個大仔阿詹都幾活潑，你哋嘅相處方法幾有趣，所以搵咗你拍！我自己個仔只有21個月大，唔知將來相處會唔會好似你哋咁緊扣，所以我將呢個諗法講畀Wyman知，等佢填歌詞時有啟發，再加上阿聰嘅演繹方法去做。」
張繼聰好開心再有機會拍攝MV，笑言已暗地裏淡出了樂壇，他覺得這首歌很有意義，相信每個家庭都會有共鳴。他又表示很期待阿公與中樂團的演出，笑說只會去做觀眾，若要他唱歌就會很緊張。
阿聰自爆：「以前我喺演藝學院讀書時，每次考唱歌都會唱阿公的歌，本來老師話我唱歌窄窄哋，不過好在我有taste唱佢啲歌，所以先合格，之後去酒廊唱歌都會唱阿公的歌。」
