MIRROR成員姜濤明日（6號）推出新歌《Dear My Friend》，致送今年3月打籃球猝逝的好友Kin，以表達思念之情。
姜濤昨晚於IG Story上傳多個限時動態，他指「第八胎」是送給Kin的，姜濤寫道：「嘿白痴仔，頭先監製send咗send咗八胎final version俾我，你聽唔聽到？我盡咗力㗎啦，以前你成日覺得我啲歌一般，呢隻你滿意啦！之前去搵咗你家姐了，佢同我講，你爸爸媽媽身體冇乜太大問題，雖然仲未肯見我哋，但係你放心，有時間我一定會再去探佢哋。」
姜濤與Kin因打籃球結緣，如果每當他打波時均會憶起摰友，「最近因為你唔係度，宜家打波變咗我打中峰，原來你以前嘅位置真係好攰，以前應該成日賴你搶唔到籃板。」他又笑言：「你喺嗰邊搵到女朋友未呀？30幾歲人都仲未拍過拖，丟架到！」
為了製作這首歌的MV，姜濤花盡心思，只希望對方能聽到看到，「MV琴日通宵都拍完啦，我今次搵嘅導演拍嘢拍得好好，一定整到你好靚仔，你睇吓，為咗你拍完MV之後直踩30幾個鐘冇瞓過。希望MV出街之後可以親自去你屋企嗰度比佢哋睇，你放心我之後一定會定期去探佢哋，我都同佢哋講話以後有咩幫忙即管開口，我同占士一定盡力幫。」
姜濤十分重視Kin這個朋友，如今每當遇到失意事，便失去了傾訴的對方，「最近呢真係有啲攰，可能係同身邊嘅人相處得唔係太好，可能係外界成日攞我啲嘢去講，可能係對之後要做嘅事冇乜太多信心；不過好彩占士都成日陪我，同埋我最近都搵返黃泉佢哋，總算覺得私底下多番啲朋友啦！」
姜濤又表示新歌不求有好成績，「啲人喺下面評論啲咩啊都唔緊要，最緊要嘅係呢隻歌你聽到睇到就得。疫情完咗之後呢，我就搵其他人一齊旅行架啦，你嗰邊，等我老咗再過嚟，等我呀！」而其經人花姐則指此曲是令人毛管動的作品，感到十分期待。
部分圖片來源：姜濤@Instagram、ViuTV