人氣男團組合MIRROR成員Edan呂爵安，繼姜濤、Ian陳卓賢、Anson Kong江𤒹生、Anson Lo盧瀚霆、Jer柳應廷先後「單飛」推出單曲後，他於本月27日分別推出新歌《E先生 連環不幸事件》。Edan今次要化身學生跟林家熙（Locker）、譚旻萱（Mandy）大玩「三角戀」，盡顯青蔥氣色。
Edan新歌《E先生 連環不幸事件》講述一位不幸人的愛情故事，歌曲填詞人黃偉文（Wyman），將Edan「黑仔」的特質配入曲中，MV亦滲透不少Edan自身元素，既出動私伙鋼琴，又特別返母校取景拍攝，難怪他表示新歌別具記念價值，「感覺好特別，第一次拍個人MV，個場景係返回中學母校，其實近幾年都冇返過嚟，今次返嚟感覺環境都好熟悉，有助情緒容易入戲。」回想中學時期，熱衷參與課外活動的Edan自爆是「風頭躉」，他笑言：「實不相瞞，中學時我都被稱之為『男神』，低年級嘅女同學，好多時會有崇拜師兄，搵啲師兄影合照，所以我都算係風頭躉。」
Edan的新歌MV講述三位好朋友之間的「三角戀」故事，當中一場「攤牌」戲，三位主角更要情感大爆發，Edan表示：「呢將戲係最難忘，因為喊戲對自己難度極高，本身係唔易喊嘅人，好彩兩位對手表現好好，我都畀佢哋嘅情緒感染。」提到首次「單飛」，Edan坦言心情緊張，問到他有否就「單飛」向MIRROR的好兄弟取經？他擰頭說：「冇刻意取經，大家風格唔同，各有歌路，不過我好彩有佢哋之前做咗個榜樣畀我睇，等我知道應該點樣做。」
