在MIRROR紅館演唱會第4場（7月28日）發生的嚴重事故中，受重傷的李啟言（阿Mo）兩度進行手術後，目前仍在深切治療部留醫，情況危殆，維生指數穩定。另一傷者張梓峯，伊利沙伯醫院回覆傳媒查詢，表示張梓峯已於7月29日自行出院，有報道指他轉往中大醫院接受治療。
不過，有FB專頁「夠薑子 呂校長 l 貓貓校監 l」的呂校長發文，指張梓峯家人於昨日（1日）證實，阿峯並未出院」。今日傍晚，呂校長拍片講述阿峯受傷經過及傷勢，及代阿峯家人交代幾個重點：唔係「輕傷出院」；係「轉院繼續留醫」；將會「即使出院但因病情需要每天回醫院接受治療」；由於身體狀況（盆骨和腰部被壓傷）未可回家休養並要搬到方便出入的地方暫住；因此傳媒朋友不需要在他們的家中守候追訪等。
呂校長在片中表示，8月1日跟阿峯太太及哥哥了解事件，需要交代的重點，是阿峯「唔係輕傷出院，係轉咗院」，其中原因是傳媒的報道，令醫院不便，家人和傷者都有影響 ，阿峯事發當晚被送入院，經過多項檢測才獲安排上病房，已是凌晨四、五點，受傷的阿峯更感疲累，因為是公立醫院，家人去到某個位置也不可陪伴。
呂校長透露阿峯受傷情況，指阿峯最初看不到懸掛半空的巨型屏幕突然墮下，他見到後，電光火石間只想上前用自己力量推開巨MON，結果反被巨MON壓倒台上，先是撞到他的頭，但他仍用意志力想推開巨MON，嚴重至盆骨大腿內外側、腳趾及身體其他部分都有問題，因頭部受創，需照磁力共振等，有部分位置留後遺症，需做復康計劃。
呂校長謂阿峯太太及家人在這情況下均沒現身發表任何說話，一來情緒仍然波動很大，也不善辭令。然後播出阿峯太太陳述大概情況的錄音片段，「當時個情況就係嗰塊LED（砸）落嚟，喺佢個位置佢係睇唔到，佢擰轉頭準備行就發現嗰塊嘢冧落嚟，然後佢就想上前幫佢同事，所以見到啲相佢係想推住塊LED板，但係塊嘢都冧落嚟，始終太重，見到張相佢（被壓）喺LED底，但End Up點解啲相喺比較角位，因為佢推住之後不斷借力爬出咗少少，再有同事搬起塊LED，因為嗰刻佢仲有意識，佢即刻爬出來，跟住去到最邊邊位，見到佢同事冇事，佢先放鬆趴返落嚟，因為佢當時都暈。」
