本地詞壇聖手黃偉文(Wyman)今日牛一(5月21日),日前佢同一班圈中好友開Bling Bling派對慶生,當中包括容祖兒、劉浩龍、鄭欣宜、徐濠縈、薛凱琪、吳君如等人,佢哋都好乖跟足壽星仔Wyman要求,齊齊着珠片衫出席添!
黃偉文喺照片留言:「七七四十九歲! 珠片之夜!多謝大家!」
壽星仔Wyman今晚嘅閃爆珠片套裝超級吸睛,但都唔夠祖兒同師兄呢對疑似分咗手嘅情侶一齊合照矚目。Wyman係今年慶生派對完咗冇耐,就即刻Post大合照上Instagram,各位眼利嘅網民除咗留意到時裝精Wyman着得有幾潮,當然會睇到祖兒同師兄身貼身一齊影合影。雖然佢哋前面有王菀之遮一遮,但都可以見到二人係完全冇避忌企埋一齊,唔通今次復合有機?
圖片來源:黃偉文@Instagram