蔡思貝及林盛斌今日（14日）出席無綫台慶綜藝《與天地對話》記者會，今次思貝走訪也門索科特拉島拍攝，「今次最艱苦唔係上山下海的體能問題，而是面對自己的對話，因為要挖出自己心底話去對住鏡頭講，其中有一環係我哋4個藝人都有同一待遇，就係自己對住三部攝影機講話，完全無工作人員在場，起初面對鏡頭講嘢都好緊張，起初邊訪問邊玩手，好似有少少焦慮症發作，好彩之後監製及工作人員慢慢引導我去講說話，自己開始打開心扉，其實喺鏡頭前或後我都有喊，所以好難忘。」
大自然下做回真正的自己，「由開始找我拍到之後終於知道發生咩一回事，過程好多感慨，因為全程要上山下海，好乎合我人設，俾我有機會去一個接近天堂嘅地方，完全無俾污染，有山又有水但無蚊嘅地方，景色係我一生中從未見過咁壯觀，記得其中有一日拍攝完有位工作人員，佢由我出道一直睇住我，佢同我講今日終於見到一個真正由心去開心嘅蔡思貝，因為在大自然嘅地方，我可以做返自己，成個旅程每個地方都有啟發，人生好似行白沙丘一樣，需要一步一腳印。」
更多現場圖輯：
