葉蒨文今年有份祕與初三花車巡遊，努力綵排中。
無綫處境劇《愛·回家之開心速遞》中的小花葉蒨文（Sophie），日前曬出一張在錄音室疑似錄歌的相片，隨即引起網民關注，更有人問她是否做歌手出派台歌？原來Sophie並非出歌，而是為新年澳門花車巡遊，作準備錄賀年歌，她說：「今次我都係第一次去錄音室錄歌，感覺好特別！年初三（31日）我會同丁子朗、張振朗、吳偉豪、姚焯菲及莊子璇，六個一齊做花車巡遊，亦都係第一次唱跳，好開心！之前我哋第一次綵排，已經學晒成隻舞，過程都沒有太大難度，主要記熟動作及走位，互相配合一下。」
首次錄賀年歌，還要唱跳，Sophie坦言有壓力但又十分期待，「我都有少少壓力，因為有姚焯菲、丁子朗等，他們本身有好多唱跳或者舞台經驗，但我希望整件事出來，係好齊心及一致，所以我都希望自己可以做好，我會努力啲練習，同埋我覺得新年最緊要笑容，希望到時氣氛可以感染到觀眾，有機會同觀眾現場互動。每年拜年，我覺得係一個好特別體驗，我非常期待㗎！」本身擁中國舞12級，今次終於有用武之地，「其實我入行前，已經考咗中國舞12級，但一直冇乜機會跳舞，想拍一啲打戲又冇機會，所以我啲柔軟度同肌肉訓練底子，都放咗喺度好耐！入咗行八年，除咗台慶間唔中有一兩年有機會表演，都冇機會用下啲學過嘅嘢，已經生疏咗好多，所以今年有多啲跳舞機會係開心嘅，勾起以前跳舞感覺！」
