歌唱真人騷《中年好聲音2》昨晚（4日）播出一集《陳慧嫻金曲賽》，當中劉可未能承接上一集氣勢，表現失色再度跌入危險區！獻唱《人生何處不相逢》的劉可透露歌曲是送給亡父，惟因他將歌曲改編，被指三不像，陳慧嫻直言感失望：「你揀呢隻歌我有啲失望，唔明點解你要揀呢隻歌，呢隻歌係小調，唔Expect你用現代嘅方法去唱，你又重新編曲，令到隻歌唔知變咗乜鬼嘢。」最終劉可僅獲79分，與同獲79分的陳蒨葶和獲75分的王玥齊齊跌入危險區。
昨晚最高分93分的顏米羔獻唱《我心不死》，慧嫻大讚米羔揀啱歌：「呢隻歌最緊要係講故仔，你嗰種頑強鬥志同埋感情，我覺得你做得好到位，你比原唱做得更好！」至於獻唱《情意結》的陳俞霏坦言希望挑戰抒情歌，最終獲得85分不俗成績。