《中年好聲音3》昨晚（29日）播映新一回賽制，35位選手分為7組，最高分的劉洋隊，隊員趙浚承在分組後突然失聲，綵排時也未能唱歌，需由王鄭浚仁代唱。五人演繹《我的歌聲裡》贏盡全場拍掌聲，張佳添激讚：「你呢班人可以成團，好厲害！劉洋有一段發揮得非常之好，其餘四個都冇失色。」周國豐亦讚劉洋音樂感強：「簡單幾句verse已將首歌帶到出嚟，整體五個人完全合格，冇可能foul你哋。」
屈居第二的黃博隊，周國豐大讚表現極佳：「個頭開得好好，三個女仔嘅穩定性令我哋好快進入到首歌。唯一要扣分係去到music bridge之後，chorus部分個力量，黃博係有啲要負責，力量去唔到將首歌推進再上一層。」Eric Kwok反而被黃博的演技吸引着：「黃博企喺後面嗰幕，我好鍾意，佢好有戲，成個表情話俾你知隻歌講乜、唱緊乜，身為歌手有戲好緊要。」五人得悉分數奪得88分好成績，即擁作一團感動流淚，羅逸軒感觸良多：「我哋五個係好內斂嘅人，開頭讓得好緊要，行前一步又退一步，好開心你哋睇到我哋當中嘅合作。」
除了「養豬人」胡家健隊被Eric Kwok狠批台風騎呢，成為最低分包尾一隊，獲得尾二75分的莫麗淇隊，亦被這位客席評審直指災難式演出，最終本回被foul的五位選手，分別是《傾城》蕭樺堅、《冷雨夜》莫麗淇和張家豪，及《知心當玩偶》劉家溢和梁春茹。
