《中年好聲音3》本周日（29日）播映的一集，郭偉亮（Eric Kwok）將出任嘉賓評審，谷婭溦、韋綺姍、謝文雅擔任導師，資深音樂人張崇德、張家誠出任團戰導師，負責賽前給予選手意見。
新一回賽制，35位選手分為7組，選手按晉級次序從7首指定歌曲中選歌；每位評審最高可給每一組20分，同時間下一回合導師分組賽的三位導師谷婭溦、韋綺姍與謝文雅，會在後台憑聲音盲選學員（每位導師最多可選3位），每㩒燈一次，可為該團戰演出加1分，而該團戰組別亦可獲得免淘汰資格。
團戰歌單如下：《傾城》陳芷盈（隊長）、林立峰、蕭樺堅、尤詩郡、郭偉倫；《小幸運》張與辰（隊長）、侯靜伊、陸東成、劉曉昆、宗倩如；《大熱》李創偉（隊長）、善玥澄、楊炳德、李金凱、陳溢光；《到底發生過什麼事》黃博（隊長）、任永健、羅逸軒、杜閱、陳嘉琦；《知心當玩偶》胡家健（隊長）、高菲、梁春茹、蕭偉倫、劉家溢；《我的歌聲裡》劉洋（隊長）、趙浚承、曹越、何平秋、王鄭浚仁；《冷雨夜》莫麗淇（隊長）、劉傳民、阮慧珊、Dan James、張家豪。
每組表現各有特色，李創偉帶領組員演出快歌《大熱》，組員穿著黑紅色戰衣上陣，因意外雙臂截肢的李金凱，大膽挑戰唯一的快歌，意志及膽識令人敬佩。周國豐好欣賞李金凱跳出舒適圈這份精神，但勸喻他切勿亂挑戰自己：「你仍然用緊慢歌嘅方式去唱快歌，唱功方面有唔少瑕疵，唔好亂咁挑戰自己。」同組的「翻版譚詠麟」楊炳德亦成為評審焦點，肥媽直言：「冇諗過假譚詠麟可以咁跳，好有隊形！」Eric亦大讚：「幾鍾意譚詠麟版嘅《大熱》，唔係妖，而係機械版黑武士，好用力。」
而「養豬人」胡家健帶領下演繹的《知心當玩偶》，成績未如理想，Eric直指走音甩beat之餘，更狠批台風騎呢：「家溢跳舞，好似睇緊漫畫咁；家健，好似有隻蚊嬲緊佢；春茹，好似日本公仔睇唔到眼白；唯獨偉倫，高大靚仔，騎呢唔到。不過就係4個都騎呢，忽然有個唔騎呢，就更加騎呢，成件事冇一個合體！」張佳添也指胡家健舞蹈最生硬，娛樂性拍得住《中年2》的譚輝智：「目光不斷擺佢身上，好可愛，臨尾不斷loop同一個手勢，繼譚輝智跳舞之後，最有娛樂性嘅一個。」這一集將繼續進行淘汰，合共有五位選手會被foul！
更多圖輯：
