正當大部分人昨日在享受元旦假日的同時，佘詩曼在2025年的1月1日已直踩12粒鐘進行拍攝，收工回房她卻沒第一時間休息，反而拍片跟大家講新年快樂！
阿佘手抱近期熱爆全球的潮物Labubu，在鏡頭前扮着跟公仔一樣露出一排牙，跟她近年經常扮演出色的女強人角色來個反差萌，也為正在拍攝的新劇《正義女神Themis》飾演法官大人來放個輕鬆，逗得網民大叫調皮又可愛。
阿佘不忘留言祝願大家，並跟大家做個約定說：「希望大家喺成人嘅世界裏面，保持一顆童心，比起做一個成功嘅人，不如做一個有趣嘅人。保持對呢個世界嘅探索同創造力，為生活同工作注入新嘅靈感，用最真實同最坦誠嘅態度去面對自己，用知足感恩嘅心情去過每一日，最美好嘅東西往往就係（喺）你身邊，學習好好咁睇吓呢個世界。以上嘅都係我要好好學習嘅，有興趣嘅…一齊呀～祝2025年做個更可愛嘅自己！」
