余文樂（樂仔）同太太王棠云婚後育有一子一女，佢哋不時會喺IG分享一家四口生活點滴，但原來囡囡啱啱出世嘅時候體重得1kg，更一度陷入危險期。
余文樂
余文樂舊年12月初公布囡囡余初心出世，余初心眨眼間已經8個月大，余文樂噚日喺IG罕有晒囡囡正面照，雖然余初心喺相中戴住口罩，但睇得出佢而家都好精靈健康；而另一張就係囡囡啱啱出世嘅插喉舊照。
余文樂女兒
余文樂表示仲記得囡囡啱啱出世嘅時候見到佢嘅第一眼，自己已經流晒眼淚。為囡囡啱啱出世就要受到咁大嘅考驗而傷心，「我當時想，如果可以替你受苦，我會直接跟你交換」。囡囡喺醫院嘅三個月，見到佢一路「過關」，就覺得上天對佢哋一家人算係唔錯，今時今日見到囡囡健康快樂嘅樣真係好開心、好安慰。
圖片來源：余文樂、王棠云＠Instagram
