孔德賢（Danny） 和謝東閔（Brian）主演的民初喜劇《本尊就位》上周首播一星期，最高收視20.6點（134萬觀眾），高過視帝王浩信和姚子羚主演的《狀王之王》最高收視17.3點（112萬觀眾）。
日前播出一場兩人雙雙跌落井的橋段，需要濕身吊威也，由於孔德賢是第一次拍劇吊威也，期間更有兩人背對背爬上井的驚險場口，Danny以煮食論形容這次的動作戲分，「我們好像炸物一樣，一下抽上來，滴着水飛出來！」飾演真神仙的謝東閔透露拍這套劇需要經常吊威也來應付飛來飛去的場面，而吊威也掉落水裏還是第一次。
未落水前，孔德賢更做足保溫措施，以保鮮紙包身，「最大隻仲唔係我？保鮮紙先生選舉，當晚好凍，又要拍落水戲嘅時候，保鮮紙係我嘅好朋友。加埋唔知幾耐無瞓嘅眼袋，啲水浸到上心口，祈個福希望唔會凍瓜。辛苦晒一齊落水嘅crew，真係搭咗一個兩層樓咁高嘅井出嚟，仲要係個頂到吊威也freefall落水，好難忘嘅經驗，仲要我係唔敢玩機動遊戲。」
相片來源：孔德賢@Instagram
