倪晨曦（Elva）最近獲邀出席珠寶品牌的亞洲區活動，Elva是香港唯一的代表出席是次在韓國舉行的活動，期間見到很多來自亞洲各地的藝人，例如李英愛、河智苑和泰星dew等，令她搖身一變為小迷妹，到處集郵。
Elva能夠作為香港的代表出席活動，感到非常榮幸，表示：「今次係疫情之後首次參加呢個品牌活動，之前都有合作過，當時活動就喺巴黎舉辦，不過都係疫情之前嘅事。今次有機會再次參與覺得好榮幸同開心，去到現場見到好多嚟自各地嘅藝人同influencers，同佢哋傾咗好多偈，見到李英愛嘅時候我即刻心心眼，雖然好怕醜，但忍唔住！傾偈嘅時候仲同佢分享咗我有睇佢啲劇，仲影咗合照！」Elva在與河智苑交流時，獲對方讚長得漂亮，令她害羞起來！
Elva讚歎現場所見不少藝人都保養得很好，很想向他們請教皮膚保養的心得，但時間有限，只希望下次有機會見面時再取經。