暴動者被判入獄，這是早已知道的必然代價。但世事往往弔詭，多少年後，可能有個什麼勳章等着你去拿。輪流轉、輪流轉，誰可保證幾十年後的事？入獄者疊埋心水去入獄好了。也該趁那三年時間潛心讀書學習，推薦首選的書是《毛澤東選集》，這是偉大的著作，可以看得令人聰明，隨時可以研究出一個博士，別浪費時間。
在加拿大，入獄是非常大的寵幸，法官都是在不得已情況下判犯罪者入獄，事關此地人權大於天也。所有囚犯都可以享有優質生活，政府用於囚犯身上的錢，大約每月一萬加元，當然包括獄警、獄吏、監獄設施等等。囚犯進入獄中，有如尊貴的五星級大酒店的客人，需要得到合理的服務，否則常遭投訴。而且，男女犯人如在獄中情投意合，可在獄中結婚，監獄也會為新婚犯人提供蜜月房間。嘩，唔使响外邊拚命搵食，响獄中只係象徵式做少少嘢，生活無憂，稍不如意就要投訴，坐監好過做神仙。所以，加拿大法官對罪犯判刑會盡量輕判，否則，對做生做死去搵錢嘅納稅人非常不公。最最頭痛就係嗰啲非常留戀監獄的積犯，放返出嚟，响社會又搵唔到食，生活困難。佢哋唔係鋌而走險，而係鋌而走精，再玩一單嘢返入監倉歎世界，法官大人對佢哋無晒符。有做法官嘅朋友講，習慣㗎啦。
其實，今時今日嘅入獄者，都會有一啲認同感，會覺得人人平等，監房裏面有香港第二把手政務司長，有第一把手行政長官，有唔知幾多身家嘅地產富豪，佢哋都係與君同在。