安俊豪（Simon）新歌《刺蝟》籌備三年，近日終於派台，並拍攝MV，因為當中有裸露上身的鏡頭，他為此而節食三個月。今次找來杜自持監製，由林若寧填詞，Simon自己作曲，他對錄歌時的感受很深，首次與杜自持合作，份外緊張，「因為監製曾經幫好多天王級歌手做監製，例如歌神張學友，所以自己見到監製時都好緊張，但佢非常友善，亦喺製作過程中同我溝通咗好多次，做到大家都滿意為止。」
唱片公司為打造這個MV，花費六位數字，除了請來六位女舞蹈員伴舞，又運用不同拍攝器材，如航拍、high speed cinebot等，令Simon有特別體驗，他說：「因為個鏡頭速度好快，所以要配合返個鏡頭，我嘅動作都需要加快，而且導演要求都好高，為求完美所以都take到靚為止。今次有機會在拍攝MV用到呢啲高科技器材，覺得好amazing！」