拍攝演唱會海報時,Joyce以全身黑色半透視造型亮相,性感又有型,她躺在濕潤泥土上,擺出不同的甫士,非常賣力。相隔九個月再踏紅館開騷,Joyce話非常興奮和期待,上次演唱會尾場4度encore,她承諾觀眾盡快再開騷,果然言出必行。她對fans說:「我哋勾過手指尾㗎嘛,我講得出做得到,你哋呢?See you there!」
至於演唱會表演嘉賓,Joyce笑說:「我天馬行空地寫咗一個好想邀請嘅嘉賓list,大約二十幾位,日前開會時,我輕輕講咗幾個人名,啲同事嘅反應係『嘩』!嘻嘻,我唔知係覺得我黐線,定係我諗嘅嘉賓黐線呢?哈哈!」至於歌單,Joyce用「不得了」來形容,她說:「梗係不得了啦,雖然我哋只係相隔唔夠一年再開騷,但我好榮幸地多咗好多新歌和新project,會有更多好歌同大家分享。」