吳君如於英國時間10月23日晚，獲第9屆倫敦東亞電影節獲頒發榮譽獎（Honorary Award），表揚她對亞洲電影的傑出貢獻。身穿高貴黑色晚裝的君如，親自上台接受由影展主席田惠晶頒發的獎項，並向現場觀眾發表了真摯的得獎感言。君如感恩自己今年「三喜臨門」，此前剛於第44屆夏威夷國際電影節獲頒「焦點香港影人」大獎，並憑《我談的那場戀愛》入圍金馬影后，這次再度於海外影展獲得肯定，令她深感意義非凡。
吳君如笑言自己今年的得獎之旅如同「終身成就獎」，她更在致謝辭中強調，會繼續堅持演戲至最後一刻：「我話我會做到最後嗰日都會繼續演，同埋我成日覺得自己好彩就係女演員，35歲可能已經無得演，40歲可能更加無得演，但我依家演到呢個歲數仲有得演，所以係好好彩同埋好感恩。」
除了君如榮獲影展大獎，《我談的那場戀愛》亦成功入圍倫敦東亞電影節的競賽單元，君如將親臨放映會，並在映後與觀眾分享拍攝經歷，她對此充滿期待：「嚟緊呢個禮拜我部戲應該喺香港上映第七周，我就會喺倫敦謝票，到時我會睇下外國觀眾嘅反應，我諗都好正啊，好期待啊。」
既然身在英國，君如本應趁此行探望在當地留學的愛女Jillian，但她笑說：「我話我嚟攞獎啊，叫佢出嚟支持下我，佢話佢依家好忙好忙好忙啊，所以我都未見到佢啊，佢好多功課啊，都好嘅，我都好安樂嘅，佢咁勤力。」
