家樂重提2015年他跟馬國明在球場拉筋傾閒偈，期間馬明講了一句粗口，被林敏驄拍下還放上網，家樂即對鏡說：「林敏驄！你真係一個（口型）X街！」家樂續爆有一次林敏驄拿相機入更衣室，黃日華就話：「唔該，閂返個鏡頭蓋！」家樂說：「佢真係乜都夠膽死！你攞部相機開住個鏡頭蓋，我唔知你做乜，但我哋真係除衫沖涼㗎大佬，喺你角度覺得好好笑，你可能有好多流量，但喺我哋角度…（點解佢唔影自己？）可能佢有影㗎，佢唔Post自己出去，影厭咗咪影人哋，等如講粗口，佢成日都講粗口，有乜癮啫，但馬明講粗口喎，好睇喎係咪先！」
另外，家樂經常遇到很多藝人在化妝間放部手機拍下化妝過程，最慘有其他人未化好妝未裝備好，無端被拍下實在尷尬，他直指這些人行為乞人憎。
