阿Nat留言：「出院後真係擔心過幾時才可以正常咁行路，因為坐骨神經痛纏繞了我幾個月，入院後有幾日又不可以下牀，沒有郁動加上肌肉不斷流失，仲要發現癌細胞去了尾龍骨，立刻在尾龍骨位置電療了5次，尾龍骨位置冤（痠）到坐又唔係企又唔係，只有躺平才舒服，出院後要用拐杖才勉強行到，連下牀去洗手間也覺辛苦！加上出院那天已開始第一次化療，化療後嗰幾天又攰但又瞓唔到覺（失眠是化療的副作用），而且第一次化療完嗰個星期，完全唔覺個腫瘤有任何反應，好像還在不斷長大和擴散，心諗，死嘞？！連化療都搞唔惦！
「但實在太感恩！出院後這兩星期，經朋友介紹下做了一些療程，令我的身體180度轉變，由行唔到企坐也不太好，到現在可以正常行路唔再痠痛，由個腫瘤不停發炎變大擴散緊，變到已停止擴散和縮小，在這兩星期內，有著極速地向好！感恩！」她表示周三晚會開Live跟大家分享箇中原因。