吳雨霏（Kary）婚後生完大仔Asher同細女Galilee後就暫別幕前演出。不過佢早前透露唔再生小朋友，已有計劃復出幕前工作，而Kary日前喺IG upload彈琴片，令唔少粉絲猜測佢係為復出做準備。
Kary噚日喺IG興奮表示自己終於買咗鋼琴，回憶細個嗰陣阿媽迫彈琴嘅時候，真係好憎，覺得彈琴好悶，但入咗行就發覺彈琴係好好玩嘅一件事。佢話自己依家好恨彈琴，好想邊彈邊唱，所以今日帶部鋼琴返屋企真係好開心。
唔少粉絲都留言表示好期待Kary復出自彈自唱，鄭秀文都有留言支持好友，叫Kary以後彈多啲俾大家欣賞。
圖片來源：吳雨霏＠Instagram