吳香倫婚後加入主婦行列，被廣告商睇中邀她為大理石陶瓷鑊做代言，平時做慣「煮夫」的老公陳榮峻，特地幫她「補課」，預先在家教她揸鑊鏟，「今次代言，峻哥比我仲緊張，驚我唔識揸鑊鏟教咗好耐，他嫌我姐手姐腳唔似專業主婦，又親自陪我去拍攝現場。」
香倫透露，拍攝時好多大廚師在旁邊做指導，雖然自己揸鑊鏟合格，不過有一個鏡頭是鑊內放了石頭要她抛鑊，可能單手不夠力，NG了好多次，旁邊監場的峻哥肉緊地把手相教，導演靈機一觸索性叫峻哥上陣做「替手」，香倫話﹕「最搞笑我件恤衫峻哥穿上好合身，我又帶了同色指甲油幫他搽指甲，峻哥好犀利，一出手好快拍完，大家讚峻哥有大廚風範，他入廚幾十年經驗豐富，所以我平時我好有口福。」
