炎明熹（Gigi）和張馳豪（Aska）出席《99公益日》發布會，現場還首播他們合唱的活動主題曲《Together for good》。隨着暑假快要完結，Gigi表示已完成暑期功課，明日取新書，準備迎接中六課程，因為要面對DSE考試。
問到幕前工作吸金，是否開始自己交學費？Gigi說：「未到呢個程度，我賺到幾多錢？要問經理人先知道，我嘅零用錢同利市錢都儲起。」數着手指的她卻愈講愈亂：「我多咗3個0…一億都冇，得一個0。以前數完利市錢，都要再搵屋企幫我數一次，怕自己數錯。」
對其受歡迎程度，被指取代菊梓喬做「星夢一姐」？Gigi說：「梗係冇啦！我遠遠唔及佢，要繼續加油。」但她直言這是其中一個目標，順其自然，並謂：「我最遠的目標是做個歌星。」Aska則不敢奢望能做「星夢一哥」，他說想做個唱作歌手，作好多歌給其他人唱。