無綫處境劇《愛．回家之開速遞》，昨晚播出呂慧儀飾演的熊若水，與滕麗名飾的洪尚善，及古佩玲的素素穿低胸短黑絲性感上陣，扮汪明荃跳唱《熱咖啡》。呂慧儀在播出前於社交網貼上多張花絮照，叫大家「記得捧場」，留言：「真係無乜幾何，睇相都好似聽到阿姐唱熱咖啡咁～真係無乜幾何，唔係台慶都喺度勁歌熱舞氹阿爸～真係無乜幾何……熊家咖啡，嚇醒晒喇～」。
照片中「長腳蟹」當然要展示她的大長腿，還有與滕麗名、古佩玲的三人合影，及同「老公」龔燁（張景淳）的合照。Bob林盛斌留言：「集集都應該咁着啦」；亦有網民笑問：「扮汪阿姐嘅水水係咪可以叫做『水汪汪』？」
