呂爵安（Edan）明天（21日）26歲生日，他目前在法國巴黎參加時裝周活動、除此之外會與家人歐遊兼過生日，他更表示奉獻多個人生「第一次」！
Edan一到埗就在IG發文︰「今日臨落機諗咗個爛gag，分享畀（俾）大家。知唔知Edan落咗機之後會變咩？樂基兒，因為『落機E』。多謝大家，鍾意呢個gag嘅喺下面留言『+1』。」Edan又分享在巴黎的行程，更自爆第一日已被媽媽打。他說︰「Day 1 in Paris之扮韓仔扮到畀（俾）阿媽Kum巴﹗Mama So Cute﹗今天是輕鬆做嘢然後不斷食嘢同Shopping嘅行程，暫時已經戰鬥咗幾年買嘢嘅份量，同埋嚟到發現冇想像中咁凍﹗暫時亦都冇任何Jet Lag嘅情況，不過真係好塞車（如果唔係都冇時間出post）。Day 1報告完畢！香港時間大家應該要準備瞓覺了，我就繼續作戰啦，下回待續！」
對於Edan的爛gag，MIRROR隊友李駿傑（Jeremy）留言︰「um…俾咩反應好？」黃正宜（阿正）就指Edan的gag「太爛」，Edan妹妹小如豬留言：「-1」，真係好唔俾面阿哥！
相片來源：呂爵安@Instagram
