周國豐踢爆《中3》音樂總監詭計　肥媽即場示範真人錫面珠好過AI

肥媽話使乜AI。

周國豐日前遭陳淑蘭惡搞，用AI炮製國豐親吻蘭子短片後，國豐昨日在社交網，發文踢爆《中年好聲音3》音樂總監Donald想學他和蘭子來個AI惡搞，前日在錄影廠後台休息室，找他和肥媽（Maria Cordero）影相。

蘭子炮製被國豐錫臉。

正當國豐揭發Donald心懷不軌，二人在嘈喧巴閉之際，肥媽剛好行過，國豐大嗌告狀：「阿媽，Donald話要同你合照呀！佢話要惡搞張相，搞到好似我同蘭子嗰一張咁呀！」肥媽即豪氣說：「妖！使乜AI惡搞呀！我依家真人惡搞佢咪得囉！」於是就出現了一張Donald被肥媽錫面珠的惡搞照。

《中3》團隊好好玩。

發文笑爆一眾網民同時，亦有留言大讚：「肥媽真人惡搞，好過AI啦！好嘢！」、「Donald個樣好搞笑」、「Donald哥可謂此生無憾」、「Donald賺到啦！」、「成個團隊都好鬼正，最緊要好玩」。