【明報專訊】周柏豪及連詩雅（Shiga）率領華納歌手向《明報》讀者拜年，他們落手落腳DIY寫揮春、做掛飾，希望大家發揮小宇宙，齊齊過一個環保的農曆新年。華納家庭愈來愈人強馬壯，氣氛非常熱鬧；兩位已婚歌手成為追討利市的目標，拍拖多年的柏豪也頻頻被催婚，他笑言：「開工利市一定派！」
努力工作儲老婆本
柏豪、Shiga、Dear Jane、陳詠謙、Jude及細Ann齊齊DIY賀新歲，落手落腳為家居增添新年氣氛。柏豪率先揮動毛筆寫上「猴擒」兩個大字，他笑言：「猴年，當然祝福大家好似馬騮一樣猴擒，猴擒更多工作的機會，可以掙更多錢。（結婚？）暫時以工作為先，當然我見到Ella（官恩娜）同Tim（Dear Jane主音）兩位分別結了婚，我都會羨慕，但暫時努力工作先儲老婆本。」一眾歌手都嚷着要團拜討利市，柏豪更因而被催婚，他笑言利市年年都會派，但希望開工利市「袋住先」，有望將來可派雙封，得到大家祝福。
連詩雅為男友煮賀年菜
對中文字一竅不通的Shiga即時向經理人求救，唯有一邊利用電話「貓紙」，跟住抄寫「家肥屋潤」。她表示：「我剛學識這句說話，希望一家人都食飽飽，掙到金銀滿屋。（怕肥？）不怕，一向都被人話我太瘦，新年可以肥少少。」她直言未知會否到男友家拜年，但新年根據媽媽的傳統都會整年糕、春卷及上海人最愛的蛋角，她笑言今年想學習一下，嘗試為家人及男友煮賀年菜。
Dear Jane索性反傳統，不寫字改畫馬騮。曾修讀設計的Jackal原本呼聲最高，結果竟老貓燒鬚，由Howie的孫悟空最似樣。問到Tim會否想跟太太楊洛婷添個「猴B」？他表示一切順其自然，畢竟工作排到滿滿，反而希望樂隊能做出更好的歌曲，得到廣大樂迷更大認同。
Tim生猴B順其自然
身兼填詞人及歌手於一身的陳詠謙就好似寫歌詞一樣玩味十足，將「福」字寫成英文拼音「Fook」，希望連老外也可一起感染新年氣氛，開開心心。至於兩位小花Jude及細Ann則利用去年用過的利市封，剪剪接接做出別出心裁的掛飾，如金魚、如意結等，非常有心思。
記者：楊安莉
攝影：梁迺楠
場地：上海佬 蟹莊
髮型：Cliff@Hair Corner（周柏豪）、Kate@Hair Corner（連詩雅）、Jamie@Hair（Dear Jane、Jude）、Kelvin Koo@Hair（陳詠謙）
化妝：Kris Wong（周柏豪、連詩雅）、German（Dear Jane）、Chi Chi Li（陳詠謙、Jude）、Kayo@MOD Makeup Academy（A2A）
■更多娛樂猛料 ﹕ol.mingpao.com