劉德華演唱會唱到今晚第十四場，觀眾一樣咁興奮，不過今晚華仔唱咗三、四首歌，大約半個鐘左右，就喊住同大家講：「因為病咗！喉嚨痛，唱唔到下去，唔好意思。」華仔仲話醫生叫佢唔好唱，但自己想繼續，可惜真係唱唔到，宣布要腰斬個唱。 雖然掃興，但華仔嘅fans唔會嬲，因為身體要緊，大家都希望華仔休息多啲，快啲再上返台，唱歌俾大家聽。