汪明荃（阿姐）在昨晚播出的劇集《回歸》中，飾演「大灣區青年創業比賽」永遠榮譽會長鍾慧芬，逮到區家健（周嘉洛飾）、凌巧瑤（陳嘉慧飾）、陳智斌（林正峰飾）及關東海（林智樂飾）遲到，當家健要求網開一面時，阿姐即義正詞嚴訓斥四人謂：「規矩定咗出嚟就要遵守，如果對你哋破例，對其他守時嘅參賽者咪好唔公平？守時係做人處世最基本禮貌，一個冇時間觀念嘅人亦好難創業成功吖！時間觀念係人嘅責任感、個人信用同自律能力。」由於阿姐出名守時，由她說出相關台詞自然更具說服力，網民都讚：「汪阿姐講守時重要性，夠晒分量」。
監製林志華（Lam）透露當初構思角色時也是第一時間想到阿姐，他透過電話聯絡阿姐的經理人後，只問了一些關於角色的事及工作時間，未幾就爽快答應。Lam指阿姐認真做足所有事前功夫，還有壓場感：「有阿姐喺度嘅場口，所有嘢都會加倍順利，一來佢冇NG咁滯，二來阿姐喺度，大家好自然更加集中精神，雖然平時都已經好集中。」
另外，昨晚家健與張萊（戴祖儀飾）爭的士場口亦相當有趣，二人在的士上各執一詞兼互不相讓，令無辜被捲入風波的瑤瑤不知如何是好；戴祖儀的囂張樣不但氣勢十足，更獲網民大讚更有女人味。Lam亦大讚祖儀與嘉洛很用心：「嘉洛真係好勤力，覺都冇得瞓咁滯，但佢完全冇降低對自己嘅要求，佢同戴祖儀都係年輕人，好熟悉年輕人嘅世界，佢哋會喺現場度啲潮啲嘅對白加落劇本，令件事更有時代感同趣味。佢哋私下又成日排練，令到鬥嘴嘅節奏出到嚟好有趣。佢哋各自有自己嗰團火，撞埋之後好有火花。」
