大仔見巨型恐龍怕怕 鄭嘉穎擺甫士打卡留念

鄭嘉穎與陳凱琳育有三歲大仔Rafael及快將兩歲的細仔Yannick，兩夫妻有時間便帶囝囝外出，享受親子樂。今日嘉穎在社交網上載帶囝囝睇恐龍的照片，發文道：「實不相瞞，其實我喺屋企經常都會扮恐龍同兩個仔玩。每一次佢哋兩個都encore，叫我繼續扮。所以今次海港城有恐龍睇，我哋一家第一時間就諗住落去影相打卡！點知去到嘅時候先知道原來恐龍好大好真實，仲會郁嘅添，搞到兩個仔都有啲驚…最終都係要抱住大仔先肯影兩張相，咁唔緊要啦，唯有爸爸擺下pose，影返幾張做留念，第日俾返你哋睇!」