https://www.youtube.com/shorts/015Pk34MiKs
香港大熊貓龍鳳胎BB自出世至今將近3個月，雖然「家姐」和「細佬」最快要到農曆年前後才能與公眾見面，但能在官方社交網看到兩姊弟成長短片和照片，網民已很開心興奮，不過大家仍期待能夠在網上看到龍鳳胎的直播，伴着牠們成長。
日前（12日）香港海洋公園於官網發文表示，園方為迎家姐細佬百日慶，宣布於本月23日舉行大熊貓BB「園內實時直播」，令網民大失所望，留言鬧爆管理層太孤寒：「真的恨鐵不成鋼，當日知道盈盈生得出幾開心，以為香港要轉運了，點知有班食古不化嘅高層，點轉運」、「係囉，咁多營銷點，仲有咁多板(版)睇，抄都唔識抄，希望可以關注下留言意見啦」、「佢哋根本唔知咩係大熊貓熱潮，也唔知道家下啲頂流大熊貓係點樣變成頂流，以為放幾張相，幾秒視頻就可以」、「完全浪費，家姐細佬應該是2024為數不多的龍鳳胎，還是盈盈以19歲生下來的，本應流量高企，現在搞到全網鬧小家，海洋公園做法真的很失禮」。
經過網民不斷留言批評並給意見後，官方昨日再更新，宣布23日舉行線上現場直播百日慶活動，於香港大熊貓官方IG進行線上直播，一齊為家姐細佬慶祝。雖然有網民對園方意見接受抵讚，但仍有人怕「捉字蝨」，不敢抱太大希望：「只係現場情況，無話直播家姐細佬，大家別開心得太早」、「係咪同時直擊家姐細佬百日生日會先？唔好只在園區周圍影下花絮就算喎」、「會唔會只直播活動情況，無家姐細佬睇㗎」？相信海洋公園一定有好安排嘅！
