太極樂隊舉行傳媒茶敘，宣布將於8月7至8日舉行《Rainbow After Rain》紅館演唱會。8月是唐奕聰（Gary Tong）的生忌，眾人都覺得是Gary冥冥中的安排，雷有輝表示：「其實Gary生前一直都準備緊呢個演唱會，我哋係延續佢嘅使命！」另外，他們已邀來黃丹儀幫忙擔任鍵琴手，並安排與Gary合作過的好友上台分享相處故事。太極已很久沒有合體開騷，慨嘆能多見一次得一次，珍惜與歌迷的相聚時刻。
最近，盛傳鼓手朱翰博與戴夢夢舊情復熾，兩人同場出現，成為茶敘中的另一焦點，他坦言與夢夢相識多年，早以「家人」稱呼她，「咪就係家人囉，我地會幫對方買吓嘢、住喺附近，所以見面唔會尷尬嘅。」
