港隊喺今年奧運中勇奪六面獎牌，唔少香港人都受到奧運熱潮感染，而首當其中嘅就係一眾家長，唔少家長都開始為子女報運動興趣班。連藝人林盛斌（Bob）都唔例外，佢早前喺IG share囝囝上劍擊班同跆拳道班嘅情況，更講笑話20年後就係到囝囝攞奧運金牌，睇嚟阿Bob嘅細仔運動細胞都不俗。但原來阿Bob嘅二女同細女都係運動健將？
林盛斌
阿Bob今日同一家人去泳池玩，仲喺IG share二女同細女嘅秘密技能「花式落水」。片中可以見到二女同細女同時用側手翻落水，認真厲害，細女仲做足安全措施戴埋游水用嘅水袖。阿Bob表示其實全家人都係運動健將（但除咗佢）佢又稱自己係做啦啦隊。
逐格睇阿Bob囡囡表演：
雖然唔少網民都大讚囡囡們好勁，但同時都表示動作危險，叫佢哋要小心安全。
圖片來源：林盛斌＠Instagram
