MIRROR「教主」盧瀚霆（Anson Lo）與「女神」鄭欣宜（Joyce）合作的《拉闊音樂會 神の拉闊 鄭欣宜 x 盧瀚霆》開騷喇！欣宜今早先在Instagram上載她與Anson Lo坐在舞台上面向觀眾席的背面照，留言︰「噢！賣！骨！『神の拉闊』終於降臨了！」
女神同教主齊齊降臨！真係「噢！賣！骨！」全場high 爆！教徒應援燈牌隨處可見，當然欣宜亦有班忠粉力撐。
今次是Anson Lo繼三個半月前，MIRRIOR 發生墮屏意外後，第一個成員再踏舞台，心理關口唔易過，不過教主昨晚已踩台綵排，況且關關難過關關過！
一開始，女神欣宜先唱《Glitterfalls》、教主接力唱《一所懸命》，然後欣宜再唱《Ego x 豐乳肥臀》，繼而唱教主跳唱《King Kong》，梅花間竹的表演瞬即炒熱全場！Anson Lo更唱剛派台的新歌《永順街39號》，而欣宜亦獻唱新歌《恐懼蠶食心靈》，欣宜說：「呢個騷改期又改期，不過今日係perfect day，係好日，如果冇改期就冇新歌唱畀你哋聽了！」
