無綫聲演真人騷《好聲好戲2》，昨晚播出第三輸出賽藝人袁文傑、陳浩明（6號）和黃俊豪，在「拍檔聲演」環節，經過導師龍天生和黃鳳英特訓後，3人表現進步神速，全獲滿分佳績。
袁文傑找來《愛．回家之開心速遞》熒幕情侶滕麗名，以「潮偉＋熊尚善CP」合體聲演《野蠻奶奶大戰戈師奶》許紹雄向阿姐表白場口，合作多年的二人默契十足，一唱一和火花四起，袁文傑更大曬鬼馬跳脫Tone及多國語言，阿姐：「睇得好開心，好有喜劇感，估唔到袁文傑做得咁好。」身為導師的龍天生則指：「我由頭都尾都好驚佢走Tone，千祈唔好出現文傑腔，後來我睄到佢（黃鳳英）笑，即係OK咗。」
黃俊豪則請來好友陳庭欣古裝上陣聲演《公主嫁到》，上兩回合輸到貼地「捧蛋」的黃俊豪，今回合一洗頹勢，懶音甩嘴情況大有改善，喜劇感亦拿捏到位，評判黃啟昌亦讚：「係好好嘅示範，要配陳豪出嚟係冇可能，配音係要配個角色出嚟，見到佢演到。」導師黃鳳英更謂：「真係刮咗對眼出嚟相看。」
邀來宋宛穎（Sabrina）聲演《回到未嫁時》的6號，化身黎明「戲味」大有進步，更成功抹去不少司儀腔。曾叫6號返去做主持的阿姐，亦改觀：「萬能呀你！」以復古造型亮相的Sabrina，聲線亦激似周海媚，00後的她更成功模仿90年代說話腔口，演出相當有驚喜，鳳英姐亦讚不絕口：「Sabrina，你可唔可改名叫Surprise呀？佢一講嘢，我就：『嘩！海味嚟？』」其他評判異口同聲讚Sabrina似足周海媚。