姚焯菲自出道以來，身形經常成為談論焦點，去年仍在新西蘭讀書時，偶遇一位女粉絲，合照後對方把照片上載到社交平台，然後出現許多負評。日前Chantel與容祖兒、衛蘭、薛凱琪在《聲生不息‧大灣區季》合唱鄭欣宜原唱的《女神》，節目播出後，令她突然想起這張合照，Chantel在社交平台分享感受。
「《女神》 出咗街之後，我突然諗返起呢張相。呢張相係新西蘭影嘅，然後果位fans post左上網。轉個頭第二日一起身，我收到好多負面訊息、見到香港嘅articles都喺到講緊呢張相。我記得果朝仲要係放完假第一日返學，所以加埋呢啲新聞，心情特別差。
但係我好快諗返起影呢張相嘅同一日，著住同一件衫、素顏，我去左間餐廳。有一位陌生人媽媽突然走過嚟同我講左聲『you are so beautiful』。我個心暖咗一暖，但係冇諗過呢句說話對第二日嘅自己會有幾重要。
重要嘅原因係我學識咗同一日，同一個樣可以有人話你靚，有人話你醜，呢啲評語已經唔需要在乎。反而唔好畀呢啲評語動搖自己嘅自我價值先係最重要。
同埋唔好忘記呢個世界好多人會唔欣賞你，但係總有一個會。一個已經夠。」
更多圖輯：
